جـعـل بـفـراقـنــــا .. خيــــره

هذي قصيده اعجبتني لـ الشاعر عبدالله البكر

اتمنى تعجبكم

أرجوك .. كل الحكي معروف .. من بدري
مافيه داعي تعيده .. شـوف لـك غيـره

تدري ..! أبآشاركك .. باللي شغل فكـري
وخل السوالف .. ( رحى ).. وقلوبنا تديره

سنتين مرت وأشـوف الثالثـة .. تجـري
وحنـا نجامـل .. وكـل ٍ بـان تقصيـره

قد قلت لك من زمان .. إن غبت من عذري
ما قوى علـى الهـم والغربـال والغيـره

وشلـون أبقـوى .. ودم فراقنـا يسـري
بعروق الأيام .. من كان الصدر .. ( ديرة )

لين أثقل الهـم كتفـي .. وإنحنـا ظهـري
ودنقّت .. والبال .. طـاح بكفـة الحيـرة

وماشفت . بعيونك النعّاس .. مـن قـدري
غير إني اللـي كِسـر خَاطـر مشاويـره

تذكر .. قبل كم سنة يوم الجفـا يطـري !
وتقول لي : بس عـاد .. وفضهـا سيـرة

كنت إنت ..؟ ولا أظن إني أنـا آهـذري ؟
أو هو حلم .. يشتكي من كِـذب تفسيـره

بالحالتين .. الحبر جَف ْ.. بـورق عمـري
ولا عاد ينفع نعيد ..اللـي قِضـى خيـره

يا أعز من ب..أتركه للبُعـد .. وأستَـذري
تحت ( إني الطهر .. وإنه درب ما آسيره )

خلاص .. كل ٍ يدور له طريـق .. أدري .!
ما نيب أبشكي .. جعـل بفراقنـا خيـرة !

من كم سنة كنت أعز إحساس في صـدري
واليوم دار الزمان .. و ( فضهـا سيـرة )

وشلـون أبقـوى .. ودم فراقنـا يسـري
بعروق الأيام .. من كان الصدر .. ( ديرة )

يعطيك ألف عافيه يالغالي طرح جداً رائع

بإنتظار جديدك الجميل

تقبل تحياتي....

يا أعز من ب..أتركه للبُعـد .. وأستَـذري
تحت ( إني الطهر .. وإنه درب ما آسيره )

الله يعطيك الف عافيه يا الغالي