فـــرقـــاك عـــادي

كنت احسب ان عندك معزه وتقدير
........................يوم العرب ما يحسبون الملامه
جيتك وانا صداق مبديك على الغير ××
............................جيتك وانا عندي ضمير وشهامه
جيتك ولا هميت طول المشاوير
........................×× جيتك وقلبي فوق كفي علامه
جيت وعاهدتك ولا شفت تقصير
..........................×× وهام فيك القلب وما حلا هيامه
جيتك وانا قايد سرايا طوابير ××
............................. وطيت لك راسي من اعلى مقامه
لكن تدري لو افترقنا وش يصير ؟
.............................×× والله بسيطه رح دروب السلامه
دمرتني يا باهي الخد تدمير
............................×× ولا انته مسامح لين يوم القيامه
بعض الوفا ما منها يا عرب خير
............................×× والحب بلوه يوم تجرح سهامه
جرحك بقلبي ما تقوله تعابير
..........................×× وورده شبابي حول عشرين عامه
ودعت جرحك في لحظ حزه عصير
........................×× شمسك تغيب والليل يسدح ظلامه
وسهرت طرفي تالي الليل تسهير
........................×× وغطت على نجوم المحبه غمامه
وونيت ونه كنها ثاني الجير
...........................×× في شاص لاندكروز مزين وسامه
زليت زله ما لها أي تكفير
..............................×× والحين با ودعك ولا بي ندامه
من بعد ما ميزت حبك عن الغير
.......................... ×× وصنته على راسي بتاج وعمامه
فرقاك عادي ما لها أي تاثير
.........................×× هديت صرحك بالحشا وهتمامه
بكره انا بنساك وروح مع الطير
...............................×× دربك خضر يا جعل فرقا غنامه
وبتشوف كم ظبي(ن) لفا عاكس السير
..............................×× وده هواء راشد ويمسك زمامه
جاتك حروفي في وداعك تباشير
...............................×× ختمت قافي والتحيه ختامه

يسلمووو يالغالي نورت عساك عالقوه
تحياتي....

صــح لسانك .. ابدعت ..

نورتي الصفحه بوجودك يالغاليه
تقبلي تحياتي...

يسلمووووو يالغالي طرح جداً رائع وجميل

يعطيك ألف عافيه وبإنتظار جديدك

تقبل تحياتي....